Ғ. Жұбанова атындағы Ақтөбе облыстық филармониясы 1944 жылы құрылды. 1998 жылы оған қазақ музыкалық өнерінің көрнекті қайраткері, КСРО Халық әртісі, композитор Ғазиза Жұбанованың есімі берілді.

80 жылдық тарихы бар бірегей өнер мектебінің ұжымы мен жеке солистері көптеген халықаралық және республикалық байқаулар мен фестивальдердің лауреаттары атанды. Жыл сайын облыстық филармонияда республикалық және халықаралық деңгейдегі көптеген дәстүрлі фестиваль-конкурстар, атап айтқанда, “Жұбановтар көктемі” және “Классика” фестивальдері, дәстүрлі халық аспаптары, хор музыкасы, джаз музыкасы, жас вокалистер, жас таланттар өткізіледі.